اج سک متراں دی ودھیری اے
آلوں لوں وچ شوق چنگیری اے
الطیف سری من طلعتہ
فسکرت ھنا من نظرتہ
مکھ چند بدر شعشانی اے
کالی زلف تے اکھ مستانی اے
دو ابرو قوس مثال دسن
لباں سرخ آکھاں کہ لعل یمن
اس صورت نوں میں جان آکھاں
سچ آکھاں تے رب دی شان آکھاں
دسے صورت راہ بے صورت دا
ایہا صورت شالا پیش نظر
وچ قبر تے پل تھیں جد ہوسی گذر
یعطیک ربک داس تساں
لج پال کریسی پاس اساں
لاہو مکھ تو مخطط برد یمن
اوہا مٹھیاں گالیں الاو مٹھن
حجرے توں مسجد آو ڈھولن
دو جگ اکھیاں راہ دا فرش کرن
انہاں سکدیاں تے کرلاندیاں تے
انہاں بردیاں مفت وکاندیاں تے
کتھے مہر علی کتھے تیری ثنا
— Peer Mehar Ali Shah\