کونین کی عظمت تری دستار میں گُم ہےاُس سلطنتِ علم کے آثار میں گُم ہے
دنیا تو ابھی حیدرِ کرار میں گُم ہےہے عرش تری قامتِ زیبائی کا مظہر
جنت ترے قدموں کے چمن زار میں گُم ہےہر دن ہے تری راہ کے ذروں کا مجاور
ہر رات ترے گیسوئے خمدار میں گُم ہےہے خُلق ترے خُلق پہ انگشت بدنداں
اور حُسن ترے حُسن کے معیار میں گُم ہےفردوس بھی نکلی ترے دیوانوں کی مجلس
ہر آنکھ یہاں بھی ترے دیدار میں گُم ہےہے ارض تری خاکِ کفِ پا سے مطہر
اور عالمِ نوری ترے انوار میں گُم ہےقرآں ترے اوصاف و کمالات کی تفسیر
اور حمد تری نعت کے اظہار میں گُم ہےموسیٰ ترے معراج کے اعجاز پہ حیراں
اور طُور ترے غار کے اسرار میں گُم ہےدُنیا سے کہو اور کسی وقت پہ آئے