یَا نَبِی سَلَامٌ عَلَیْکَ
یَا حَبِیْب سَلَامٌ عَلَیْک
آمنہ بی بی کا جایا
صبحِ صادِق نے سنایا
اَلسَّلَام اے جانِ عالم
شاہِ دِیں سلطانِ عالم
خاتم دورِ رِسالت
فاتحِ بابِ شفاعت
اَلسَّلَام اے شاہِ عالی
عرض کرتے ہیں سوالی
نوح کے تم ناخدا ہو
سب کے تم حاجت روا ہو
بخش دو میری خطائیں
بھیج دو اپنی عطائیں
ہوں پھنسا اَفکارِ غم میں
دیر کیا ہے اب کرم میں
کفر کو تم نے مٹایا
دِین کا ڈَنکا بجایا
اب تو طیبہ میں بلالو
اپنے بد کو بھی نبھالو
دِل میں رَنگ اپنا جمادو
بختِ خوابیدہ جگا دو
جان نکلے اس طرح پر
سامنے ہو قبرِ اَنور
جانکنی کے وقت آنا
چہرۂ اَنور دکھانا
اے شفیعِ روزِ محشر
غوث کا صدقہ کرم کر
کچھ نہ کی ہم نے کمائی
اے عرب والے دُہائی
حشر میں تم بخشوانا
ہر مصیبت سے بچانا
اے شہنشاہِ رِسالت
تا اَبد سب پر ہو رحمت
دِین کا ہو بول بالا
دشمنوں کا منہ ہو کالا
بانیِ محفل کی آقا
پوری ہو ہر اِک تمنا
اس جمیلؔ قادری پر
چشم و دِل کردو منوّر
— Jamil Ur Rehman Qadri\