شاہ تم نے مدینہ اپنایا، واہ! کیا بات ہے مدینے کی
مجرِموں کو بھی طیبہ بلوایا،واہ! کیا بات ہے مدینے کی
ہر طر ف رحمتوں کا ہے سایہ، واہ!کیا بات ہے مدینے کی
کوئی دیوانہ جب مدینے میں ،آیا دِل اُس کا جُھوماسینے میں
اللہ اللہ گنبدِ خَضرا، اور محراب و منبرِ آقا
خوب دنیاکے ہیں حسیں باغات اورپھولوں کے حُسن کی کیا بات
باغِ طیبہ کا حُسن کیا کہنا،جامۂ نُور جیسے ہو پہنا
خوب صورت وہاں کے سب کُہسار اور ہیں دھول کے حسیں اَنبار
حسنِ پیرِس پہ مرنے والے کیا! دشتِ طیبہ کا حُسن بھی دیکھا؟
جس نے حُسنِ عقیدت اپنائی،اس نے امراض سے شِفا پائی
جو مصیبت کا آگیا مارا،دُور غم اُس کا ہو گیا سارا
جو سُوالی مدینے آیا ہے،جھولیاں بھر کے اپنی لایاہے
میرے آقا مدینے جب آئے،بچیوں نے ترانے تھے گائے
قلبِ عاشق نے کیف پایا ہے،روح کو بھی سُرور آیا ہے
شوقِ طیبہ میں دل سُلگتا ہے، ہم کو اچھا مدینہ لگتا ہے
زائرِروضہ کوشَفاعت کی، یانبی آپ نے بِشارت دی
کب تلک در بد ر پھرے آقا! اپنے کُوچے میں موت دے آقا!
خود کو جو عشق میں رُلاتا ہے، لاجَرَم وہ سُکون پاتا ہے
ہرطرف بھینی بھینی ہے خوشبو، سوز ہی سوز ہرجگہ ہر سُو
بس مدینہ مدینہ وِردِ لب، کاش!اکثر رہے مرے یارب
اپنے عطّارؔ کو شہِ عالَم، دے دو اپنی محبت اپنا غم
— Muhammad Ilyas Atar Qadri\