دے تبسم کی خیرات ماحول کو، ہم کو درکار ہے روشنی یا نبیؐ
اے نویدِ مسیحا! تری قوم کا حال عیسیٰ کی بھیڑوں سے ابتر ہوا
کام ہم نے رکھا صرف اذکار سے، تیری تعلیم اپنائی اغیار نے
دشنِ جاں ہوا میرا اپنا لہو، میرے اندر عدو میرے باہر عدو
سچ مرے دور میں جرم ہے عیب ہے جھوٹ فنِ عظیم آج لاریب ہے
راز داں اس جہاں میں بناؤں کسے، روح کے زخم جا کر دکھاؤں کسے
زیست کے تپتے صحرا پہ شاہِعربؐ تیرے اکرام کا ابر برسے گا کب
یا نبیؐ اب تو آشوبِ حالات نے تیری یادوں کے چہرے بھی دھندلا دیے
— Hafeez Taib\