پرنور ہے زمانہ صبحِ شبِ وِلادت
جلوہ ہے حق کا جلوہ صبحِ شبِ وِلادت
فصل بہار آئی شکل نگار آئی
پھولوں سے باغ مہکے شاخوں پہ مرغ چہکے
پژمردہ حسرتوں کے سب کھیت لہلہائے
گل ہے چراغِ صرصر گل سے چمن معطر
قطرہ میں لاکھ دریا گل میں ہزار گلشن
جنت کے ہر مکاں کی آئینہ بندیاں ہیں
دل جگمگا رہے ہیں قسمت چمک اٹھی ہے
چکٹے ہوئے دِلوں کے مدت کے میل چھوٹے
بلبل کا آشیانہ چھایا گیا گلوں سے
اَرض و سما سے منگتا دوڑے ہیں بھیک لینے
اَنوار کی ضیائیں پھیلی ہیں شام ہی سے
مکہ میں شام کے گھر روشن ہیں ہر نگہ پر
شوکت کا دَبدبہ ہے ہیبت کا زلزلہ ہے
خطبہ ہوا زمیں پر سکہ پڑا فلک پر
آئی نئی حکومت سکہ نیا چلے گا
رُوحُ الامیں نے گاڑا کعبہ کی چھت پہ جھنڈا
دونوں جہاں کی شاہی ناکتخدا دُولہن تھی
پڑھتے ہیں عرش والے سنتے ہیں فرش والے
چاندی ہے مفلسوں کی باندی ہے خوش نصیبی
عالم کے دفتروں میں ترمیم ہو رہی ہے
ظلمت کے سب رِجسٹر حرفِ غَلَط ہوئے ہیں
ملک اَزَل کا سروَر سب سروَروں کا اَفسر
سوکھا پڑا ہے ساوا دریا ہوا سماوا
نوابیاں سدھاریں جاری ہیں شاہی آئیں
دن پھر گئے ہمارے سوتے نصیب جاگے
قربان اے دوشنبہ تجھ پر ہزار جمعے
پیارے رَبیع الاوّل تیری جھلک کے صدقے
وہ مہر مہر فرما وہ ماہ عالم آراء
نوشہ بناؤ ان کو دولہا بناؤ ان کو
شادی رَچی ہوئی ہے بجتے ہیں شادیانے
محروم رہ نہ جائیں دن رات برکتوں سے
عرشِ عظیم جھومے کعبہ زمین چومے
ُہشیار ہوں بھکاری نزدیک ہے سواری
بندوں کو عیش و شادی اَعدا کو نامرادی
تارے ڈھلک کر آئے کاسے کٹورے لائے
آمد کا شور سن کر ِگھر آئے ہیں بھکاری
ہر جان منتظر ہے ہر دیدہ رہ نگر ہے
جبریل سر جھکائے قدسی پرے جمائے
کس داب کس اَدَب سے کس جوش کس طرب سے
ہاں دِین والو اُٹھو تعظیم والو اُوٹھو
اُٹھو حضور آئے شاہِ غیور آئے
اُٹھومَلک اُٹھے ہیں عرش و فلک اُٹھے ہیں
آؤ فقیرو آؤ مونھ مانگی آس پاؤ
سوکھی زبانوں آؤ اے جلتی جانوں آؤ
مرجھائی کلیوں آؤ ُکمھلائے پھولوں آؤ
تیری چمک دمک سے عالم چمک رہا ہے
تاریک رات غم کی لائی بلا ستم کی
لایا ہے شیر تیرا نورِ خدا کا جلوہ
بانٹا ہے دو جہاں میں تو نے ضیا کا باڑا
— Hassan Raza Khan Barelvi\