لوگو میرے یار دی اکھ دا کدی تیر خطا نہ ہویااک ملدے پر دلوں جے نہ ملدے انج نت ملاون سینے
وکھرے ہو کے کرن برائیاں جہڑے ہوندے یار کمینے
بعد کئی کئی سال نہ ملدے پر اندروں ہونڑ نگینے
اوتھے اوتھے خون بہاونڑ جتھے یار دے وگے پسینےکوئی عمل نئی چجدا میرا تے میں کیویں یار نوں ہاواں
ویکھ کے صورت اپنی ولوں تے میں آپے ہی شرماواں
برے بندے نوں میں لبن ٹریا تے برا لبا نہ کوئی
جد میں اندر چھاتی پائی میں تو برا نہ کوئیجے او رہندا اے کعبے اندر تے بت خانے وچ کہڑائے
تے او رہندا اے وچ مسیتیں تے مہ خانے وچ کہڑائے
تے جے او رہندا بستی اندر تے ویرانے وچ کہڑائے
اعظم جے او دور سماندا تے پروانے وچ کہڑائےسہ سہ جوڑ سنگت دے ڈٹھے آخر وٹھاں پئیاں
جنا بنا اک پل سی نہ لنگدا او شکلاں یاد نہ رہئیاںلوگاں مینوں آنڑ ڈرایا کہ رات قبر دی کالی
میں تے سنیا اتھے اس نے آنڑاں جدے مونڈھے کملی کالیرب دے قہر غضب توں تیرا ہن بچنا نئی سکھالا
پر اعظم لوکی اے کی جانن میرا راکھا کملی والادرد پوے تے ہائے نکلے تے کوئی کوئی رہندا جر کے