باغِ دو عالم دم سے تمہارے ہے گلزار رَسُوْلُ اللہ
تم ہو حشر کے راج دُلارے نورِ الٰہی عرش کے تارے
مولیٰ تم نے ہمارے غم میں شب بھر روکر کی ہیں آہیں
بھولی بھیڑیں ہم ہیں تمہاری چاروں طرف ہیں گرگ شکاری
ہائے نہ کی کچھ ہم نے کمائی لہو و لعب میں عمر گنوائی
چاہو بگاڑو یا کہ سنبھالو چاہو ڈباؤ یا کہ نکالو
مولیٰ چشم و قلب میں آجا لِلّٰہ بختِ سیہ چمکا جا
کرکے شفاعت تم بخشاؤ دامن ڈھک کر عیب چھپاؤ
راہ کٹھن اور دُور ہے منزل سر پر عصیاں پاؤں ہیں گھائل
کھول دو گیسو برسے رحمت دُھل کر عصیاں پاک ہو امت
ڈُوبا ہوا سورج پلٹا یا چاند کو ٹکڑے کرکے دکھایا
چاہو جسے فردوس میں جا دو چاہو جسے دوزخ میں بھیجو
خود ہی خدا نے تم کو پڑھایا علم نہ تم سے کوئی چھپایا
آج جمیلؔ قادری دِل سے ذِکر اپنے آقا کا کرلے
— Jamil Ur Rehman Qadri\