جوش پر تذکرۂ شاہِ انام آتا ہے
جس جگہ احمدِ مختار کا نام آتا ہے
بیٹھتے اٹھتے زباں پر وہی نام آتا ہے
عشقِ خواجہ میں اک ایسا بھی مقام آتا ہے
سوئے طیبہ ہے رواں قافلۂ شوق و نیاز
آپ کے حکم سے بے پر کو ملی ہے پرواز
حکمِ لا ترفعوا اصوات کا پہرہ ہے ادھر
دلِ بے تاب ٹھہر اے دلِ بے تاب ٹھہر
کیا تعجب ہے کہ ہم جیسے کمینے پہنچیں
اے دل اب وقت ہے پیری کا مدینے پہنچیں
شانِ حق کا ہوا اظہار بہ شانِ محبوب
ترجمانِ دلِ یزداں ہے زبانِ محبوب
انبیا مثلِ کواکب ہیں تو وہ ماہِ تمام
بعثتِ خواجہ ہوئی بعدِ رسولانِ کرام
قلبِ مضطر کو یہیں دیکھا ہے تسکین پذیر
ایک میں ہی نہیں گیسوئے محمد کا اسیر
ان کی رحمت کے نشاں عرشِ علا فرشِ زمیں
رومی و جامی و سعدی ہی پہ موقوف نہیں
— Fazil Mesoori\