صل علی محمدٍؐ
نامہ نہ دیکھ سانس گن
صل علی محمدٍؐوارث زندگی مدد
رو کے ہے راہ سنگ حد
منزل عشق تا ابد
فرصت عمر چار دن
صل علی محمدٍؐبھیڑ بھی تخلیہ نشیں
عرش بھی حاشیہ نشیں
اے مرے بوریا نشیں
تیرے غلام انس و جن
صل علی محمدٍؐدرد بھی اس قدر دیا
سارا وجود بھر دیا
ایک نظر نے کردیا
دونوں جہاں سے مطمئن
صل علی محمدٍؐزاویہء نجات سے
جنگ رہے حیات سے
آپ کے التفات سے
سہل ہوں مرحلے کٹھن
صل علی محمدٍؐنام فقط ترا لکھوں
اور جگہ جگہ لکھوں
اس کے سوا میں کیا لکھوں
پرچہء دل کے ممتحن
تیرے تیور، میرا زیور
تیرا شیوہ، میرا مسلک
مجھ کو عشق نبی، اس قدر مل گیا
جگمگائے نہ کیوں، میرا عکس دروں