شاہد گل ہے مَست ناز حجلۂ نَوبہار میں
آئیں گھٹائیں ہُجوم کر عشق کے کوہسار میں
عشق نے چھوڑ ی پھلْجڑی دل کی لگی بھڑ ک اٹھی
آنکھوں سے لگ گئی جھڑی بحر میں مَوج آگئی
شوق کی چِیرہ دَسْتیاں دل کی اُڑائیں دھجیاں
بجلی سی اِک تڑپ گئی خِرمَنِ ہوش اُڑ گیا
تابِشِ رُخ سے چار چاند لگ گئے مِہر و ماہ کو
کعبۂ اَبرُو دیکھ کر سجدے جبیں میں مُضْطرب
شاہد گل ہے مُصطَفیٰ طیبہ چمن ہے جاں فَزا
سُوسَن و یاسمن ، سمَن ، سُنْبُل و لالَہ نَسْتَرَن
باغِ جِناں لہک اٹھا، قَصرِ جِناں مہک اٹھا
سارے بہاروں کی دلہن ہے مرے پھول کا چمن
تم ہو حبیبِ کِبریا پیاری تمہاری ہر ادا
نکلی نہ کوئی آرزو دل کی ہی دل میں رہ گئی
خارِ مدینہ دیکھ کر وحشتِ دل ہے زور پر
ماہ تِری رِکاب میں ، نور ہے آفتاب میں
غنچۂ دل مہک اُٹھا موجِ نسیمِ طیبہ سے
شوق کی ناشکیبیاں سوز کی دل گدازیاں
گردشِ چَشمِ ناز سے حامِد مَیگُسار مَست
— Muhammad Hamid Raza Khan\